Poems of Taliesin

V. Dadolwch Vryen [BT 65]

(The Conciliation of Urien)

Lleuuyd echassaf

mi nyw dirmygaf.

vryen a gyrchaf.

Jdaw yt ganaf.

pan del vygwaessaf.

kynnwys a gaffaf.

Ar parth goreuhaf

ydan eilassaf.

5

Nyt mawr ym dawr byth

gweheleith a welaf.

Nyt af attadunt

ganthunt ny bydaf.

Ny chyrchaf i gogled

ar meiteyrned.

kyn pei am lawered

y gwnelwn gyghwystled.

Nyt reit im hoffed.

Vryen nym gomed.

10

Lloyfenyd tired

ys meu eu reufed.

Ys meu y gwyled.

ys meu y llared.

ys mue y delideu

ae gorefrasseu

med o uualeu

a da dieisseu

gan teyrn goreu.

haelaf rygigleu.

15

Teyrned pop ieith

it oll yd ynt geith.

Ragot yt gwynir

ys dir dy oleith.

kyt ef mynasswn

gweyhelu henwn.

Nyt oed well a gerwn.

kyn ys gwybydwn.

weithon y gwelaf

y meint a gaffaf

20

Namyn y duw vchaf

nys dioferaf.

Dy teyrn veibon

haelaf dynedon.

wy kanan eu hyscyrron

yn tired eu galon.

Ac yny vallwyf i hen

ym dygyn agheu aghen

25

ny bydaf yn dirwen

na molwyfi vryen.