Poems of Taliesin

V. Bei Lleas Urien [BT 59]

(What If Urien Were Dead)

Ar vn blyned

vn yn darwed

gwin a mall a med

A gwrhyt diassed

Ac eilewyd gorot.

a heit am vereu

ae pen ffuneu

Ae tec gwyduaeu

5

ei pawb oe wyt

dyfynt ymplymnwyt.

Ae varch ydanaw

yg godeu gweith mynaw.

a chwanec anaw

bud am li amlaw.

wyth vgein vn lliw

o loi a biw.

biw blith ac ychen

a phop kein agen

10

Ny bydwn lawen

bei lleas vryen.

ys cu kyn eithyd

y eis kygryn kygryt.

A briger wen olchet

ac elor y dyget

a gran gwyarllet

am waet gwyr gonodet.

A gwr bwrr bythic.

A uei wedw y wreic.

15

Am ys gwin ffeleic.

Am ys gwin mynycgyltwn.

Am sorth am porth am pen

kyn napharkyfwyrein.kym-

tauaw gwas yr drws

gwarandaw py trwst [aran

ae dayar a gryn

ae mor adugyn.

dygwynyc ychyngar

wrth y pedyt.

20

Ossit vch ymryn

neut vryen ae gryn.

Ossit vch ym pant

neut vryen ae gwant.

Ossit vch ymynyd.

neut vryen a oruyd.

Ossit vch yn riw

neut vryen ae briw.

Ossit vch yg clawd.

neut vryen a blawd.

25

Vch hynt vch as

vch ym pop kamas.

Nac vn trew na deu

ny nawd yraceu.

Ny bydei ar newyn

a phreideu yn y gylchyn.

Gorgoryawc gorlassawc

gorlassar.

eil agheu oed y par

yn llad y escar.

30

Ac yny vallwyf i hen

Ym dygyn agheu aghen.

ny bydif ym dyrwen.

na molwyf vryen.