Poems of Taliesin

III. Ni'th Oes Cystedlydd [BT 57]

(You Are The Best)

Uryen yr echwyd.

haelaf dyn bedyd.

lliaws a rodyd

y dynyon eluyd.

Mal y kynnullyd

yt wesceryd.

llawen beird bedyd

tra vo dy uuchyd.

5

ys mwy llewenyd

gan clotuan clotryd.

ys mwy gogonyany

vot vryen ae plant.

Ac ef yn arbennic

yn oruchel wledic.

yn dinas pellennic.

yn keimyat kynteic.

lloegrwys ae gwydant

pan ymadrodant.

10

Agheu a gawssant

a mynych godyant.

llosci eu trfret

a dwyn eu tudet

Ac eimwnc collet

a mawr aghyffret

heb gaffel gwaret.

rac vryen reget.

Reget diffreidyat

clot ior agor gwlat

15

vy mod yssyd arnat.

O pop erclywat

dwys dy peleitrat

pan erclywat kat.

kat pan y kyrchynt

gwnyeith a wneit.

Tan yn tei kyn dyd

rac vd yr echwyd.

Yr echwyd teccaf

ae dynyon haelhaf.

20

gnawt eigyl heb waessaf.

am teyrn glewhaf.

glewhaf eissyllyd

tydi goreu yssyd.

or a uu ac a uyd.

nyth oes kystedlyd.

pan dremher arnaw

ys ehalaeth y braw.

Gnawt gwyled ymdanaw

am teyrn gocnaw.

25

Amdanaw gwyled.

a lliaws maranhed

eurteyrn gogled

arbenhic teyrned.

Ac yny vallwyf hen

ym dygyn agheu aghen.

ny bydif ymdirwen

30

na molwyf vryen.